الداخلية يا عينى مش عارفة مين الكخة اللى بيعذب المواطنين فى الأقسام
طيب أقول ايه … اكذبوا
ما انتوا طول عمركوا بتكذبوا
لكن حتى الكذب دلوقتى مش عارين تكذبوه … الناس مش أغبيه للدرجة دى يعنى …
بيان من الداخلية حول فيديو التعذيب في أقسام الشرطة
القاهرة – أصدرت وزارة الداخلية بيانا بشأن لقطات الفيديو التي انتشرت على الإنترنت وتظهر تعرض مواطنين للتعذيب في أقسام الشرطة المصرية.وقال
البيان إن الواقعة الأولى التي تظهر قيام ضابط شرطة بقسم الهرم بصفع مواطن
على وجهه مرات كثيرة هي لأن هذا الشخص – ويدعى أحمد جاد – قام باغتصاب طفل
عمره 4 سنوات وهو نجل المواطن نادي حسن.وقال البيان إن والد الطفل
بكى بشدة مما جعلت الضابط لا يتمالك نفسه وتعاطف مع الطفل وقام بصفع
المعتدي الذي كان باردا وبدا غير مكترث بأي شيء.وقال البيان أنه بالتحري مره أخرى عن الشخص المعتدي تبين أنه غادر مصر وتوجه إلى ليبيا ليعمل هناك نجار مسلح.
أما
الوقعة الثانية التي تظهر اللقطات أحد الضباط ينتهك عرض مواطن بعصا غليظة
بينما يقف أفراد آخرون يشاهدون الاعتداء والضابط يتوعد الشخص بفضح أمره
بين زملاءه السائقين.وقال البيان إن هذه اللقطات تبث من أماكن مجهولة وأنها لا تظهر أين جرى هذا الاعتداء ولا مرتكبيه ولا متى حدث.
وناشد
البيان الشخص الذي تعرض للاعتداء للتوجه ببلاغ فوري لوزراة الداخلية حتى
تبدأتحقيقا في هذه الواقعة لأنها حتى الآن لا تملك أي تفاصيل عنها.
الضابط ال مش بيعرف يتمالك نفسه في أي موقف يبقى يتحول على التحقيق و يتعاقب لأن شغلته تطبيق القانون مش تربية الناس.
طبعا واضح من الفلم أنه كان متمزج و منتشي هو و ال بيصوره.
الوزارة ال تسمح لضباطها أنهم يضربوا مواطنين تم توقيفهم و لا زالوا أبرياء قانونا تبقى كمان مش فاهمة شغلها. لما تبقى محكمة النقض تحكم على الراجل يبقى ساعتها يتعاقب بالحبس و بالغرامة زي ما القانون بيقول، و برضو من غير ضرب.
أنا مش عاوز وزارة تربي المصريين و لا تحافظ على النظام و الآداب. أنا عاوز وزارة ضباطها بينفذوا القانون و بس.
الصراحه راحه واحنا ناس ظالمه ومفتريين وبتبلي علي الناس
الراجل كان متاثر جدا لواقعه الاغتصاب دي لدرجه انه كان بيضحك وفاشخ بقه هوا واصحابه وهوا بيضرب
واللي بينضرب كان واضح عليه فعلا انه بارد ومغتصب مش واحد واقف مذلول ينضرب بالاقلام وميقدرش يرفع ايده يحمي وشه من كتر البرود والتلامه
عالم مستفزه فعلا
فى حاجة أنا مأخدتش بالى منها غير دلوقتى
إزاى واحد مغتصب طفل عنده 4 سنين يسافر ليبيا؟؟؟!!
S:
مش بقولكوا هبل