Posted on

المجمع…. كريم و صدام


تم أخيراً نقل مجمع المدونات المصرية إلى موقع مستقل
بصراحة علاء كان صعبان عليه و كان لازم يعمل كده … يا ريت الناس تدوس على إعلان فى كل زيارة للمجمع
عشان تتجمع فلوس الإستضافة و تكاليف المجمع اللى بقيت وهمية.


***
كريم و صدام


مش عارف ليه بحس ان ظروفهم متشابهة إلى حد ما
على الأقل بالنسبة لي
فكلاهما لا أملك ذرة تعاطف معه
بل بالعكس … أتمنى محاكمتهم.
ولكن أى محاكمة
محاكمة هزلية كما حدث لصدام
أم تعسف و ظلم و حبس إنفرادى كما يحدث لكريم
أنا لست ضد حرية الرأى فى موضوع كريم
من حقه أنه يكفر
و لكن مش من حقه أنه يسب المسلمين
و فى نفس الوقت من حقى أنى أبقى مسلم
بس مش من حقى أنى أسب غير المسلمين
بهذه البساطة
أنا مع محاكمة كريم
و لكن محاكمة مدنية طبقاً للقانون كأى شخص آخر.
بدون أى تمييز أو تعصب .
محاكمة مدنية مش من بتوع أمن الدولة .
ميكفر ولا يتنيل.
القانون يعاقب على أفعال معينه و لا يعاقب على الدين
حاكموه على أفعاله و ليس على عقيدته.
فقط عاملوه كما يعامل البقية …

أما صدام (فى رأيى) فكديكتاتور و سفاح هو يستحق الإعدام
و لكن أيضا كان يستحق محاكمة عادلة و ليس مسرحية هزلية..
من الممكن أن اكون مخطأ فى التشبيه ككل ..فقط اردت توصيل الفكرة

***
Advertisements

About MeMo

I'm a 22 Egyptian male who has just fed up with every thing around him and seeking change

4 responses to “المجمع…. كريم و صدام

  1. romio ⋅

    بصراحه انا معاك فى اللى انت بتقوله بس انا شايف انه غير اللى انت بتقول ان محاكمه صدام هزليه فيه نقطه عايز اوضحها بالنسبه لتوقيت اعدام صدام
    طبعا انتم عارفين ان صدام اعدم فى اول ايام عيد الاضحى وده ليه تفسيرين عندى
    الاول انه استفزاز لمشاعر المسلمين فى مشارق الارض ومغاربها لان اولا المفروض ان ده عيد فرحه للمسلمين مش الناس الصبح تقوم متنكده يوم العيد بسبب خبر اعدام صدام وميعرفوش يتمتعو بالعيد
    كمان فى الوقت ده تحدى للمسلمين لان معروف ان احنا فى شهر حرام يعنى حرام فيه القتل
    اما التفسير الثانى وهى انهم بيبعتو رساله تهديد لكل قائد عربى يحاول تحدى الامريكان ان اى حد يتحدا امريكا يموت زى ماحنا المسلمين بندبح الخرفان

  2. MeMo

    مين يا عم
    الفكره بس أن ده شهر حرام مش أكثر
    انما المسلمين يزعلوا و كلام من ده .. معتقدش
    محدش بيحب صدام

  3. rgaa ⋅

    مايؤلمنى هو عدم وجود مساحة حره لمجرد التفكير دون الفعل لما يمس العقيده،لم أولد وقرارى فى يدى ولم أستشر فى أن أكون كتابيا،لماذا يكون الحجر والمنع إذا ما طالب الفرد بأن يتحول إلى عقيدة أخرى هى فى نظره التى تتماشى مع تفكيره وتقوم بإشباع آرائه وأقتناعه؟؟
    المسلمون يشددون على إستتباب الذى يفكر مثل هذا التفكير،وإن لم يتراجع عن قناعته فالقتل قائم والذبح متواجد ولاخيار!!
    شاهدت أحد حملة المباخر يقضى -بعد أن سأله المذيع-وماذا نفعل بالبهائيين يامولانا؟؟أجاب سيادته يقتلوا!!أى نقتل المئات وليس ألآلاف على أسوء تقدير؟؟
    أطلب منكم تقييم ذلك وهل يتوازى ويتناغم مع حقوق ألأنسان فى القرن الواحد والعشرين؟؟

  4. MeMo ⋅

    ٌRgaa:

    بص يا سيدى/سيدتى…أولا لاش نخلط المواضيع

    أنا هنا بتكلم عن حالتين محددتين

    ليهم مواصفات خاصة لا تنطبق على اى حالة تانيه

    ثانيا:

    بتقول ان

    المسلمين يشددون

    ممكن أعرف مين المسلمين اللى سيادتك بتتكلم عليهم

    أنا مسلم .. و مع ذلك مع حقوق البهائيين .. رغم انهم فى نظرى كفار

    بس مش أنا اللى أحكم عليهم …الدين لله .. كلمه بتتقال من غير ما يتفهم معناها

    معناها ان مش احنا اللى نحاكم على الدين

    اللى عايز يغير دينه هو حر.. ملناش دعوة

    إلا ان حرية الاعتقاد حاجه. و اهانه الاديان الأخرى حاجه تانية

    معايا

    وبعدين .. ايه حملة المباخر دى

    مين دول و ايه اللى يخليك تاخدهم كمثال و واجهة للمسلمين اساسا

    المسلمين دول كتيييييييييييييييييييييييير

    يعنى مينفعش تقول الشيخ الأهبل قال.. و بعدين تقول المسلمين

    معايا 

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s