Posted on

أنت مسلم ولا مسيحى ؟؟

على مدى عمرى أتسألت السؤال ده كتير أوى

 

فى مواقف مختلفة و ظروف مختلفة

رد فعلى فى معظم الأحيان كان بيبقى بطىء شوية يسبقه محاولة لإكتشاف نوايا السائل من السؤال و التى غالبا ما تكون هايفة

إلا أنى لم أظن فى يوم من الأيام أن السؤال ده يكون غلط .. أو مش مناسب

إلا ان الزمن غير رأيى شويتين

أولا .. هو أنا لا زم ابقى يا مسلم يا مسيحى

تقوللى يعنى ايه ؟؟؟؟ عايز تبقى كافر؟؟

أقولك …. لو أنا سرقتك أبقى غلطت فى حق مين ؟؟

تقولى أنت ..

أقولك تمام .. لو أنا اتبعت دين غلط (فى وجهة نظر سعادتك) أو كفرت أبقى بغلط فى حق مين؟؟

حتجاوبنى بأجابتين حسب تفكير سعادتك

1-حتقوللى فى حق ربنا

2- حتقوللى فى حق نفسك

فى كلا الحالتين مش أنت ولا غيرك و لا أى سلطة دنيوية مسئولة عن محاسبتى

ببساطة لأنكم زيى بالظبط

اللى فيكوا يوصل للحقيقة الكاملة و كمال الدين

ييجى يحاسبنى

بخلاف ذلك محدش له عندى حاجة … طالما لم أكسر أى قوانين دنيوية

حاجة تانية بقى …

أنا مسلم …. أقولك .. بلاش انا

وقف أى مسلم فى الشارع

أسأله هل تؤمن أن المسيحية الموجودة حاليا دين من عند ربنا؟؟

بلاش

وقف أى مسيحى فى الشارع

أسأله .. هل تؤمن بأن الإسلام دين سماوى ؟؟

الإجابة القاطعة … لأ

انت شايف الاسلام صح … عشان كده انت مسلم

غيرك شايف دينه صح … عشان كده هو بيتبعه

أنا مش قادر أفهم ايه العلاقة بين إعتقادك أن دينك هو الحق و الصح و أن شخص ما يعتنق دين اخر

هو فرض دينه عليك ؟؟؟؟

قالك يا تتحول يا حنسلخك؟؟؟

واحد بهائى .. هو عايز يبقى بهائى

تخليه مسلم أو مسيحى بالعافية

أيه علاقة ان انت مش مقتنع بإن البهائية دين سماوى بإعتناق شخص ما انت ملكش علاقه بيه ليها

نقول تانى

انت شايف الاسلام صح … عشان كده انت مسلم

انت شايف المسيحية صح … عشان كده انت مسيحى

هو شايف اليهائية صح عشان كده هو بهائى

يا جماعة

لو فى حاجة أنا مش فاهمها فهمونى

حتى إشعار آخر … الرد على عنوان التدوينة هو

 

و أنت مال أهلك

***

أيضاً عند كلمتين و شغف و عصفورة فى الساحة

Advertisements

About MeMo

I'm a 22 Egyptian male who has just fed up with every thing around him and seeking change

32 responses to “أنت مسلم ولا مسيحى ؟؟

  1. هاهاهاهاهاهاهاهاهاهاهاهاهاهاهاهاهاهاهاها… والله عندك حق

    أسمع دي بقى… واحدة دخلت على الآي سي كيو عندي وسألتني أول سؤال “أنت مسيحي؟” قلتلها “ايه الخبط لزق ده” اتاريها كانت بتسأل عشان حتة كنت حاطتها من غاندي عن مبدأ “العين بالعين” عموما رديت بأني بهائي. قالتلي “آه وماله. وأنا دروز” وأحلفلها اني بهائي متصدقش فاكراني باشتغلها!

    الواحد زمان كان يقول بهائي دي الناس تقول “يعني ايه” دلوقتي الكل عارف ومش بعيد يكون بيسأل اذا كنت مسلم أو مسيحي عشان يتأكد انك مش بهائي! عموما الرد في كل الحالات لا يختلف عن ردك الموجز المنجز

  2. Ophelia

    I support the message you are delivering wholeheartedly. I don’t know why people get so angry if they come across someone who doesn’t share their beliefs! This is so natural. In fact, if we are all the same it would be unnatural. If a person is an athiest and he doesn’t harm anybody, what’s wrong with that? Why should this influence the way I treat him?
    Great post.

  3. BLUESTONE

    هو يمكن السؤال الازلي سببه حالة الريبة والشك وعدم الراحة الغريبة اللي بتنتاب اي حد بيتكلم مع اللي قدامه إذا كانت هويته الدينية مش واضحة
    يعني لو واحد بيتكلم مع واحد اسمه لا اسمه ولا هيئته بيدلوا على دينه بيبقى في احساس عام بعدم الراحة لان اللي قدامك بيحس انك متفوق عليه بمعلومة او ما بيقدرش ياخد راحته في الكلام الا لما بيعرف هويتك الدينية ايه

    لو مكانش اسمك احمد او محمود او مصطفى او عبد المسيح او مينا او كيرلس يعني اسمك مثلا شريف ولا اشرف ولا تامر ولا إيهاب فتلقائيا هتلاقي اللي قدامك بيفضل يلف ويدور عشان يعرف انت مسلم ولا مسيحي ده لو كان عنده زوق او يسألك بشكل مباشر لو كان قليل الزوق

    اما بالنسبة لفكرة حرية البهائيين
    فانا رأي اصلا ان اجبارهم على دين ما لا ينتمون له امر في منتهى الغباء
    من حق كل انسان ان يعتقد ما يشاء
    او حتى يكفر بما يشاء شرط ألا يمس بمعتقد آخر

  4. MeMo ⋅

    مش عارف أقول ايه بصراحة بعد كل اللى اتقال ده
    طيب ايه الحل فى العقول الغريبة دى ؟؟؟؟!!

  5. go3d

    ساعات كتير كنت بستغرب من انى اجى اكلم واحد مسيحى وواقف معاك ناس تانية مسلمين تلاقيه اول مايمشى يوطى صوته ويقولك ده مسيحى بصوت يحسسك انه هيقول نياهاهاها
    اقوله طب وانا مالى اهم حاجة اللى قدامى مسيحى بوذى مليش دعوة
    بكل اندهاش تلاقيه بيقولك- بنفس طريقه عادل امام لما قالك دول اسرائليين فى فيلم السفارة- مسيييييحى
    مببقاش فاهم المفروض اعمل
    إلا صحيح ابقى اعمل ايه ساعتها؟

  6. MeMo ⋅

    قوله و أنت مال أهلك

  7. الامير المنتصر ⋅

    اولا انا عايز اعرف اية معتقادات البهاية وعايز اعرف انت ممكن تجمع الية والنار مع بعض واو الاسود والابيضويرات الرد

  8. MeMo

    و الله أنا نفسي أرد عليك بس أنا مش فاهم كلامك خالص

  9. arafa ⋅

    siro t9awdo baraka mina lhadra lkhawya

  10. MeMo

    إنجليزى ده يا مرسى !!

  11. mido ⋅

    بصراحة انا ما شوفتش انجس من الموقع ده ….. جعجعة علي الفاضي كلام بدون دليل …صوت فردى من اشخاص تافهة …كلام بذىء…حرية وقحة …واخيرا ادعو لكم يا اما ربنا يخدكم يا يهديكم

  12. MeMo

    اولا
    *انت مشوفتش انجس من الموقع ده
    ==دا بس من زوقك
    و بعدين واضح ان الحته اللى انت جيت منها فيها حاجات نجسه كتير فانت عارف تقارن كويسذ
    *عجعة علي الفاضي كلام بدون دليل
    == اجيب لحضرتك دليل منين .. اسجل للناس كلامهم
    و بعدين لو سيادتك معداش عليك موقف من المواقف دى يبقى انت مش من هنا
    *صوت فردى من اشخاص تافهة..كلام بذىء..حرية وقحة
    == دا يدل على ثقافة سيادتك العاليه و تقديرك الشخصى لحرية الرأى و التعبير
    *واخيرا ادعو لكم يا اما ربنا يخدكم يا يهديكم
    == و انا بدعيلك ربنا يشفيك

  13. Rita ⋅

    والله ياجماعة ما احنا خلصت مشاكلنا بس بقى نعلاف مين المسيحي ومين المسلم ومين اليهودي ومين اليزيدي
    انا برايي
    كلمن يتحاسب على اعماله الصالحة الخيرة بغض النظر عن الدين

  14. Rita ⋅

    والله ياجماعة ما احنا خلصت مشاكلنا بس بقى نعلاف مين المسيحي ومين المسلم ومين اليهودي ومين اليزيدي
    انا برايي
    كلمن يتحاسب على اعماله الصالحة الخيرة بغض النظر عن الدين

  15. مسلمة ⋅

    انا اللى عايزة اقولوا ان المفروض ان كل واحد حر فى دينو
    بس بما ان المسلمين عارفين ان ديانتهم هى الوحيدة اللى بتتكلم على باقى الرسل واعتقادات الاخرى فشايفين مدى الكفر بالله وصل لفين وعايزين ينصحوا الناس بس للاسف الاسلوب بتاع النصح بيكون بطرق شديدة جدا

    انا معاك ان كل واحد حر فى دينة بس برضو لازم الانسان يكون متسامح ومؤدب فى الرد حتى لو الناس فعلا ملهاش شأن
    ممكن ميردش او يقول كلمة طيبة مش يرد رد وقح هو كمان

    انا صراحة من الناس اللى عتقد ان الناس اللى ديانتها ديانة تانية غير الاسلام ناس معرفتش الاسلام كويس بس عارفنها من الناس المسلمين اللى للاسف فى الشارع المصرى والعربى فى فكرة سيئة عنهم

    يعنى لازم الناس تدرس الاسلام كويس بما انه اخر الديانات السماوية بعد اليهودية والمسيحية
    والكل مقتنع بدا ومفيهوش كلام
    الناس تدرس وتشوف وبعد كدا تقرر مش قرار عشوائى نتيجة لاعجابهم بديانة ما لسهولتها او لأى سبب اخر لا اعلمة

    وبعدين اى مسلم لما يحاول يقولك حاجة بشأن الديانات اكيد يقصد يقولك اعرف الاسلام واتقى الله وربنا يهديك للطريق الصح الاول بس مش صريحة وللاسف زى ما قلت الاسلوب مش بيكون ظريف

    انا كمان اختلف معاك لان انت لو مسلم
    هتعرف ان احنا ( المسلمين ) بنؤمن بكل الرسل اللى قبل سيدنا محمد صلى الله علية وسلم
    بنؤمن بأن سيدنا عيسى رسول الله وسيدنا موسى وفى رسل كثيرون فى القرأن زى قصة سيدنا زكريا وسيدنا عيسى وسيدنا موسى وسيدنا نوح وسيدنا ابراهيم عليهم السلام

    يعنى فى رسل كتير نزلوا على الارض ولكن خاتم الرسل هو سيدنا محمد صلى الله علية وسلم لذلك الاسلام هو اخر الديانات التى تدعو اللى الايمان بالله وحدة لا شريك له وبسيدنا محمد رسول الله

    كمان اسلوب الاخ اللى شتم ايوة هو مسلم غيور على دينة ولكن لنوضح لهم الامر بأسلوب طيب
    وبعدها لهم حرية الاختيار هذا ليس من شأننا طالما فعلنا ما علينا فعلة ونصحناهم

    كمان الاخ اللى قال اننا هنتحاسب على اعمالنا بس
    لا احنا هنتحاسب على ديانتنا وتوحيدنا بالله اول شئ هنسأل عنو هو ديانتنا وايماننا بالله ورسولنا

    ممكن يكون من رأيكم ان كل واحد شايف ديانتو صح عشان كدا هو فيها بس حاولوا تفكيركم يكون اكبر وتدرسوا الديانات هتلاقوا ان الدين الجامع لشامل لكل الاختلافات والاحكام والقوانين والديانات والخلائق هو الدين الاسلامى
    مش بقول كدا عشان انا مسلمة

    لا لانى زى ما قلتلكم احنا بنؤمن بكل الرسل وبالله الواحد الاحد
    بس اخر الانبياء هو نبى الله سيدنا محمد
    كمان لان فى حاحجات كتير فى القرأن الحكم فيها بعقل البشر هيوصلك لنفس النتيجة ان فعلا الاسلام هو الدين الحق

    بس انتوا ادرسو الاسلام وبعدها احكموا

    اتمنى لكم الهداية
    مسلمة

  16. sawwa7

    أنا لفيت و شفت بلاد كتير،وديانات كتير،و الخلاصه هى،إن أى شخص غير مسلم،مثلا صليبى،يهودى،يزيدى،بوذى،…إلخ،هو لا يؤمن بعقيدته أبدا،و يرى أنها كذبه كبيره فى حياته.إنه يعبد الدنيا،و لا يقبل الإسلام تحت مسمى صليبى أرثوذكس،أو كاثوليك،أو يهودى أو بوذى…إلخ. ومما يدل على صحة كلامى هو أن كل هذه الديانات تعيش بسلام جنبا إلى جنب،و عدوهم واحد و هو الإسلام.و أتحدى أى واحد صليبى يحترم ديانته أو يؤمن بها و لو حتى شنوده الثالث. وأنا أأؤمن إنه مثلا لو تحول جميع مسلمى مصر إلى الصليبيه،فسيدخل كل الأقباط الصليبيين إلى الإسلام طواعية،و المهم عندهم أن يكونوا ضد العرب وخلاص.

  17. MeMo

    sawwa7 :
    اسمحلى أقولك انك أهبل و مينفعش ارد عليك

  18. sawwa7

    إسمحلى أنا كمان أقولك إنك جبان و بتدفن راسك فى الأرض زى النعامه.أنا زى ما قولتلك إن جميع الديانات غير المسلمين لا يؤمنون بعقيدتهم أبدا وهم يعرفون أن دياناتهم كلها نصب و تحريف.و أنا من هذا المنبر أدعوك أن تعتنق الإسلام و إلحق نفسك قبل ما تموت وتدخل النار إلى الأبد.و الله الكلام ده حقيقه ما فيهاش شك.هو الشيطان الملعون بيغيرلك الحقيقه،الله يحرقه.صدقنى أنا أحترمك كإنسان و خايف عليك من النار.أدخل الإسلام ومش حتندم.

  19. sawwa7

    MeMo
    خذ هذا المثل:لو فى دكانين موجودين فى مكان واحد،الدكان الأول دكان مرتب،وجميل،و المعامله فيه محترمه،والبائعين فيه بشوشين ومتعلمين،و لكن الأسعار فيه عاليه جدا. وعندك دكان تانى غير مرتب و غير جميل،والبائعين فيه دمهم تقيل،و الدكان ضيق وبدون نظام،و لكن الأسعار فيه منخفضه.أسألك بالله عليك من أى دكان سوف يشترى الناس؟ جاوبنى على هذا السال بس. يا MeMO.

  20. MeMo ⋅

    يا بنى و مين قالك انى مش مسلم ؟؟
    أنا قلت كده ؟؟
    ايه رأئك بقى ان انا مسلم أبا عن جد
    بس ده مش معناه انى محترمش الناس التانيه لمجرد انهم مش مسلمين ؟
    انا نفسى أفهم انت جبت الكلام اللى انت بتقوله ده منين ؟؟؟
    اتحداك ان الإسلام يكون قال كده
    يعنى هو اللى يتحول للإسلام يبقى حلو و كويس و اللى ستحول لدين تانى يبقى ابن كلب ؟؟
    افهم بقى .. دى مش وظيفتك و لا وظيفتىانو لا وظيفة اى بنى ادم انه يحاكم حد بناء على دينه .. إلا إذا كنت ناوى تعمل نفسك إله و تحاسب الناس … بس كده .. كلام معاك فنيتوو بعدين انت مخدتش بالك ان البلوج اتقفل اساسا .. و بعدين انت عمال تعلق على كل المواضيع و كل موضوع بإسم شكل
    ما ترسالك على بر

  21. body ⋅

    الاصل في الموضوع ان كل الاقوام السابقة كانت مسلمة يعني سيدنا عيسى مسلم وسيدنا نوح مسلم وسيدنا موسي مسلم كل الكتب السابقة هي لدين الاسلام ولكن الشريععة هي التي تختلف من زمن لاخر الاوامر والنواهي تختلف من زمن لاخر ولكن كل الرسائل السماوية تخبر انه (لا اله الا الله )وان محمد رسول الله سياتي في اخر الزمان.

  22. body ⋅

    مفيش حاجة اسمها كل منا يتحاسب علي اعمالة وخلاص بغض النظر عن الدين دة اول سؤال في القبر (من ربك) ثم(مــــــــا دينك) ثم (ماذا تقول في الرجل الذي بعث فيكم)

  23. MeMo ⋅

    يا بنتى الله يكرومكوا ركزوا شوية .. انتوا بتكسلوا تقروا المكتوب ولا ايه
    مين قال ان الناس حتتحاسب بغض النظر عن الدين
    الناس حتتحاسب على دينها
    بس ربنا اللى حيحاسب مش احنا …
    يعنى مش احنا اللى نحاسب الناس على ديتها .. ربنا … فخيمتوا ؟

  24. مؤمن ⋅

    صحيح ربنا اللي بيحاسب الناس ولكن لما الداعي يدعو واحد للدين فهذا لانه يحب له الخير لان الراحة والسعادة والطمانينة في امتثالنا لاوامر هذا الدين والقيام عليها بحقها قال الله تعالى: (( من عمل صالحا من ذكر او انثى وهو مؤمن فلنحيينه حياة طيبة زلجزينهم اجرهم باحسن ما كانوا يعملون )) (سورة النحل:97)

  25. مؤمن ⋅

    معذرة تصحيح كلمة (زلجزينهم)=========(ولنجزينهم اجرهم)

  26. مؤمن ⋅

    الايه قال تعالى (( من عمل صالحا من ذكر او انثى وهو مؤمن فلنحيينه حياة طيبة ولنجزينهم أجرهم بأحسن ماكانوايعملون )) (النحل:97)

  27. MeMo ⋅

    يدعو اه … يحاسب لأ
    و ده اللى انا بقولوا من الصبح
    لو حد انت دعيته و برضوا مش عايز .. مش انت اللى حتحاسب
    بس كده …
    يا جدعااااااااااان .. حد بقولوهم انى قفلت المدونة

  28. مؤمن ⋅

    المهم انت اسمك ايه يا ميمو

  29. مؤمن ⋅

    انا اسمي عبدالله

  30. مسلمة ⋅

    حضرتك قفلت المدونة بس الموضوع حساس والناس عايزة تتناقش فة
    احنا بنسيب ارئنا ممكن حد غير مسلم يشوفها او حتى مسلم ويستفيد او يقتنع بيها

    هو فعلا اللى بيحاسب ربنا
    مش احنا
    عشان كدا لازم ندعوا الناس للاسلام
    لان اليومين دول الناس مش عارفة عنى اية اسلام
    واحنا لازم نوضحوا ليهم

    الخطاء اللى بيحصل واللى حضلاتك بتتكلم عنوا هو طريقة الدعوة
    وان المسلمين بيدعوا غير المسلمين من منطق ان المسلم افضل فى كل حاجة

    طبعا الحمد لله على اسلامنا
    بس انا اكتشفت ان الغرب نشاط وعندهم نظام ونظافة واحترام لروح الانسان واحترام للمواعيد والعمل وعدم الكذب والنميمة
    رغم انهم مش مسلمين
    على عكس عندنا فى بلدنا احنا مسلمين بس مفيش حد بيجمع كل الصفات دى مع بعض
    الاسلام مش صلاة وصوم وعبادة بس وكمان اخلاق

    ودا اللى لازم نحسن فية نفسنا وبعدها ندعوا الناس
    واكيد طريقة دعوتنا ليهم هتختلف لما نحسن اخلاقنا

    اسمحولى اقولكم ان افضل مثال على اخلاق العرب ف النقاش زى حضرتكم كدا
    والشتايم اللى عاملين تقولوها

    انا عربية ومسلمة 100%
    بس نفسى نكون افضل ونتناقش ونعرف مشاكلنا عشان نحلها

  31. MeMo ⋅

    أخت مسلمة … أنا ردى دائما بيكون على مستوى الكلام المكتوب
    و طبعا انت شوفتى بعض الردود وصلت إلى مستوى أسطورى من الغباء و عدم المنطقية
    الرد على قد دماغ اللى بيترد عليه 😀

    الشتيمة فى البوست الأصلى كانت رد عنيف على ناس بتتدخل فى اللى ملهاش فيه .
    معظم كلامك صح و انا مقولتش فى اللى فات كله حاجة تناقضه خالص
    أما عن التحضر عند الغرب فى ده قديم بس احنا الى خدنا بالنا متأخر
    بس برضوا نحب نقول ان معظم عادات الإلتزام و النظافة و المواعيد و الكلام ده مش نابع من عادات شخصية قد ما هو نابع من قوة تطبيق القانون
    ان اناس عارفة ان القانون حيطبق عليهم حيطبق و مفيش مفر لصغير ولا لكبير … بس كده

  32. MeMo ⋅

    لأخ عبد الله اللى بيكتب بإسم مؤمن
    أدعى محدش قالك متدعيش .. بس إلتزم حدود الأدب و الذوق و قواعد اللياقة و متدخلش فى اللى ملكش فيه .. ساعتها نرفع لسيادتك القبعة و نقولك شكرا
    ” و أدعوا إلى سبيل ربكبالحكمة و الموعظة الحسنة ”
    مش تقول انت كفره و لو مدخلتوش الإسلام حنرميكوا برا البلد .. صح ؟
    اه على فكره .. انا إسمى الحقيقى مؤمن .. إنما ليه ؟

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s