Posted on

كلية الإخوان .. جامعة الإسكندرية

  وضع الإخوان في  جامعات مصر محير جداً

يوم تلاقى الأمن نازل فيهم إعتقالات و بهدلة

و يوم تلاقيهم داخلين بسماعات و أجهزة و عربيات من باب الجامعة الرئيسى تحت سمع و بصر الأمن

فى كلية الهندسة جامعة الإسكندرية

وجود الإخوان أصبح شبه إدارة موازية للكلية

خصوصا مع موضوع الإتحاد الحر

فى الوقت اللى الحكومة بتضرب بكل عزمها فى الإخوان

تلاقى الإخوان فى الكلية الله ينور

لافتات فى كل حته .. عن كل حاجة عايزين يقولوها… موقعة بإسم التيار الإسلامى أو الإخوان المسلمين .

و فى أى مكان فى الكليه

 

دا حتى بقى ليهم شبه مكتب فى مدخل كل مبنى من المبانى

أنا لا أنكر الخدمات اللى بيقدموها للطلبة من ناحية ملازم الإمتحانات و إسطوانات البرامج و الكلام ده

على عينى و رأسى و إنا لكم لشاكرون

إنما الموضوع زاد عن حده

اما يدخل قبل كل محاضرة عيل يخطب خطبة الثلاثاء أو السبت ( الجمعة أجازة( يبقى الموضوع مش حلو

و دا رد الكلية الوحيد 

السؤال هنا..

هل حرية الحركة الغريبة دى مكفولة لجميع التيارات و الإتجاهات

أنا عمرى فى حياتى ما شفت حد غير الإخوان بيتحرك فى الجامعات … خالص

طيب حرية الحركة دى الحكومة بتدهالهم ليه ؟؟

عشان ترجع تقبض عليهم بعد كده ؟؟

يعنى أنا لو روحت أعمل نفس اللى بيعملوه الإخوان بس بأسم حزب تانى ..الحكومة حتسيبنى ؟؟

مش عارف؟؟

الموضوع فعلا زاد عن حده

لما يبقى كل التيارات بتتكلم فى الجامعة

يبقى ماشى

إنما دا مفيش غيرهم

بلاش … لو حرية الحركة فى الجامعة مكفولة للجميع

يبقى أهلاً و سهلاً

يعملوا اللى هما عايزينوا

طالما على الكل كليلة

إنما الموقف كدا غريب …

حد فاهم حاجة ؟؟ 

 

 

Advertisements

About MeMo

I'm a 22 Egyptian male who has just fed up with every thing around him and seeking change

4 responses to “كلية الإخوان .. جامعة الإسكندرية

  1. MaLek

    لازم الإخوان يبقوا موجدين عشان الحكومة تبقى موجوده أومال حتبرر ازاي إستمرارها قدام بقية العالم ؟ ازاي حتبرر وحشيتها وساديتها لو مافيش إخوان ؟ لو مافيش بعبع التيار الإسلامي اياه
    والإخوان بردو حلوين اوي جوا اي جامعه السياسه بشويش بشويش انا حتكلم عن الحجاب اصل المره اللي لا مؤاخذه معريه شعرها تبقى مره مش مظبوطه والمحجبه تبقى الطهاره كلها …..
    يعني اضرب هنا ولاقي هناك احبسوا كام واحد وصادروا كام قرش وسيبوا الباقي شوية حركة عشان الشرعيه والسلام …
    طبعا دا لا يعني ان الواحد يسكت وميعترضش علي بيحصل للإخوان من محاكمة عسكرية لأن الحرية لا تتجزأ ومحدش يقدر يكمم بق حد بس في النهاية الإخوان والحكومة وجهين لعملة وسخة واحده

  2. والله حضرتك انا مفهمتش قصدك

    يعنى فى تواطؤ بين الإخوان والكلية مثلاً

    ولا يعنى حضرتك عاجبك الكلام ده

    ولا مش عاجبك إيه مفهمتش

    والأستاذ مالك أنا مستغرب الصراحة أنا أول مرة اعرف أن حضرتك (معذرة) غبى

    الإخوان فى جامعة الأسكندرية دفعوا تمن اللى بيعلموه ده

    هو ببلاش

    دفعوا تمنوا بكل تأكيد

    بدأوا من الأول بلوحة واحدة اتفصل فيها 5 طلبة

    خلوها 5 لوحات اتفصل 2 طلبة

    خلوها 50 لوحة الكلية مبقتش عارفة تفصل مين ولا مين

    وآدى أكبر مثال إعتقال 4 فى خدمة إجتماعية

    أصل خدمة إجتماعية لسه بتاخد السلم من أوله

    طيب وليه صحيح مفيش وجود لأى تيار آخر سواهم

    لأن الإخوان واخدينه بدراعهم (يعنى بفصلهم وإعتقالهم وفرض الأمر الواقع)

    إنما هات لى أى حد تانى على إستعداد يدفع التمن ده

    محدش معاه يدفع

  3. Alaa

    لا مؤاخذة التيارات الأخرى مش موجودة في الجامعة لأننا خايبانين و بندلع مش لأي مؤامرات أخرى.

    في السبعينات كان القمع مش أقل و الشباب اليساري عمل شغل جامد جدا في الجامعة، العيب علينا أحنا.

    طبعا يعاب على الأخوان تركيزهم الجهد ده كله في موضوع ثانوي (و هو أكيد ثانوي بالنسبة للأخوان برضه، مش ممكن يعني يكونوا مقتنعين أن الحجاب أهم من كلمة حق في وجه سلطان جائر و أن الحجاب قضية ملحة أكثر من التعذيب و المعتقلات و الصحة و التعليم و البطالة و التلوث و الفساد). لكن مش فاهم ازاي يعاب عليهم أنهم شايفين شغلهم.

    بالك أنت لو سابوها مفتوحة على البحري و الجامعة لم تتدخل، كل اللي هيحصل أن شغل الأخوان هيكثر، أما باقي التيارات فهتفضل نامية برضه.

  4. ههههههه وحضرتك زعلان من ايه
    طب ماهو الحزب الوطنى مسيطر على كل حاجه مع ان لايحة الجامعه بتمنع عمل احزاب داخلها غريب والله ثم ان اصلا ماحدش عنده فكره يدافع عنها او يتحمل يدفع تمنها

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s