Posted on

الإخوان مش عايزين الحفلة

فى حفلة فة كلية الهندسة للمغنى رامي صبرى النهارده

رغم إنى معرفش رامي صبرى اساسا

بس هما بيقولوا صوته شبه عمرو دياب

و بما إنى مبسمعش عمرو دياب قررت الحضور

الفكره ان الواحد طالع عين اللى خلفوه فى الكليه طول النهار

ايه المشكله فى حفلة تفك عنه شويه

اروح ياخويا قدام مبنى إعدادى الاقيلك شوية عيال من الإخوان ماسكين يفط و قاعدين قدامها … مش عايزين الحفلة

قال ايه … انهى أهم؟؟

شهداء فلسطين أم الحفلة ؟؟؟

ايه العبط دا ايه علاقة فلسطين بالحفله اساسا؟؟

و بعدين هما واقفين فى مكان الحفلة

يعنى لما ييجى الميعاد حاجة من الاتنين

يا حيحترموا نفسهم و يمشوا .. او يقفوا فى كان تانى .. من حقهم الإعتراض

يا إما حيفضلوا واقفين فى مكانهم

و ساعتها حيضطر الأمن للتدخل

و يطلع الإخوان شهدا المحرقة زى كل مره

محدش قال مش من حقك تعترض

بس إعتراض غير مضر

يعنى أقف جنب الحفلة و إرفع يفطك زى ما انت عايز

بس تقف فى مكانها و تعصلج

تبقى سياسة فرض الأمر الواقع

بمعنى اصح … بلطجة

أنا لسه رايح دلوقتى … حشوف ايه اللى حيحصل و ابقى احكيلكوا

——————

الإخوان لايموها و مشوا

ممكن بسبب الظهور المفاجىء و السريع بشكل يثير الدهشة لأمن الدولة و الرتب الكتيييييييير

أو ممكن بسبب الحشد الطلابى الكبير اللى كان مستنى الحفلة

أو ممكن يكونوا يأسوا من التأثير

او أى سبب اًخر

الله أعلم

المهم إنهم سابو مكانهم قبل الحفلة

و قعدوا يصوروا بنات و ولاد بيسقفوا طول الحفلة

و نشروا صورهم النهارده مع تعليق بأن ده اللى حصل إمبارح

“هو مش نشر صور الناس من غير إذن غلط ” ؟؟

بس ممكن يكون الناس من بره الكليه

المهم

الواد صوته كتاكيتى

و الحفلة كانت سلق بيض

ساعة إلا ربع و طلع يجرى

بس ججو الكلية إتغير

و أظن هو ده كان الهدف من الحفل أساسا

Advertisements

About MeMo

I'm a 22 Egyptian male who has just fed up with every thing around him and seeking change

7 responses to “الإخوان مش عايزين الحفلة

  1. هه وبعدين إيه اللي حصل؟؟؟
    الحفلة اتلغت ولا الإخوان لايموها؟

  2. مقولتلناش صحيح لسه
    إتلغت ولا الإخوان لايموها

  3. MeMo ⋅

    الإخوان لايموها و مشوا

    ممكن بسبب الظهور المفاجىء و السريع بشكل يثير الدهشة لأمن الدولة و الرتب الكتيييييييير

    أو ممكن بسبب الحشد الطلابى الكبير اللى كان مستنى الحفلة

    أو ممكن يكونوا يأسوا من التأثير

    او أى سبب اًخر

    الله أعلم

    المهم إنهم سابو مكانهم قبل الحفلة

  4. romio ⋅

    بس برده الاجامعه غلطانه ازاى يعملو حفله فى اليوم الثقافى العالمى داخل كليه الهندسه
    كان احسن يعملو مهرجان كامل
    يعبر عن الثقافه
    مش غنى و ناس بترقص وخلاااااااص

  5. فكك منى ⋅

    على فكرة من حقك تعترض على إعتراض الإخوان
    و لكن ليس من حقك إنك تقول عليهم “شوية عيال ”
    “و العبط ده ” و كل الألفاظ ال…….دى
    و لا إنت إيه رأيك ؟

  6. MeMo

    شوية عيال : دا لفظ حالة مش شتيمه
    لأن كلهم تقريبا كانوا فى إعدادى و عصافيرى خالص
    العبط ده : دا رأيي الشخصى فى الموضوع
    أنا شايف إن دا عبط
    بس كده

  7. أحمد شاهين ⋅

    ربنا يهديك يا أخى الكريم .
    رغم أنه لا تعجبنى كثير من تصرفات الأخوان ولكن أنا أؤيدهم فى موقفهم هذا .

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s