Posted on

قرف 1 : آسف لكوني رجلاً

لم أكن أتصور أن أقولها فى يوم من الأيام

و لا أقولكوا خليها عامي احسن .

أصلى مخنوق خنقه زباله … مش عارف أقول ايه

مش متصور أصلا أن الموقف ده ممكن يحصل

أفهمكوا

عفوا سيدي

مصر رجالتها بخير

واحد الله يكرمه كان ماشى فى حاله و مشغل سوره ال عمران فى المويايل

لقى بنت مسيحيه بتنزف و تعبانه و متبهدله و شكلها مغتصبه

و هو شبه متأكد إنها مغتصبه

بس البنت شكلها بنت ناس جدا

الكلام ده كان فى محطه مترو و الناس كلها موجوده و شايفه

البنت كانت تعبانه و مش قادرة تقف

طلبه منه المساعده

رفض طلبها لأنه دينيا مينفعش يلمسها … حرااام

البنت ألحت عليه فى طلبها للمساعده لأنها فعلا تعبانه

رفض برضوا بس لقى كام بنت واقفين طلب منهم انهم يساعدوها … رفضوا

راح قال للعسكرى فى واحده تعبانه و متبهدله و شكلها مغتصبة و مشى فى حال سبيله و هو بيبص وراه على البنت و بيتخيل موقف إغتصابها و زعلان

بعد ما روح كتب بوست عن الموضوع

الناس كلها انتقدته و بهدلته …. مسح البوست و كل التعليقات

———————————–

دا ملخص اللى حصل

أنا بقى مش عارف أستوعب الموضوع لغايه دلوقتى

إزاى فى راجل ممكن يعمل كده

أنت يا أستاذ متخيل إنت عملت ايه ؟؟

تبريرك الأساسي للموضوع ان ناس كتير كانت واقفه و شايفه

بس هى مطلبتش المساعده من الناس دى

هى طلبت المساعده منك انت

طلبت منك المساعده يا بنى ادم

قالتلك لو سمحت ساعدنى

و انت قولتلها مينفعش ألمسك ؟؟

عشان حرام ؟

حرام إزاى ؟

و مين قال كده ؟

أنهى دين دا اللى بيقول إن إغاثه المنكوب حرام قوللى … فهمنى يمكن انا مش من هنا؟

أفهم بس … إزاى

انا مش عارف … مش مستوعب أصلا؟؟

تخيل معايا كده …

لو ضربتك عربيه و بهدلتك و جرت

و لقيت واحده قدامك و قلتلها لو سمحتى ساعدينى

قالتلك … لأ

حرام

و سابتك و مشت

و فى رجاله واقفه

بس أنت مسألتش الرجاله

انت سألتها هى

و هى سابتك و مشت

يا ترى إحساس سعادتك إيه ساعتها ؟؟؟

أنا مش فاهم حاجة

إزاى طيب

أنا قرفان … فعلا قرفان

لأول مره فى حياتى حاسس بخجل شديد من كونى راجل

من كونى من نفس الجنس اللى إغتصب البنت أولا  ثم رفض مساعدتها ثانيا .

إنت سألت المطلوب منك ايه دلوقتى ؟؟

مش عارف بصراحه

انت عملت غلطة كبيره جدا

مش من النوع اللى ممكن تغتفر او تتنسى بسهوله

حاجة انت مش ممكن تصلحها او تتعامل معاها حاليا

عارف .. إلتمس الغفران …. إمشى فى الشارع بقيت عمرك  دور على كل واحده تكون محتاجه مساعده و ساعدها حتى لو حتشيلها الخضار …

أنت خذلت بنت طلبت منك المساعده فى محنه … طلبتها منك انت مش من حد تانى

بس عارف … الغلطة مش غلتطك …

اتفوووووو على كل شخص و هيئه و مؤسسه ساهمت على مدى عمرك فى تشكيل دماغك الجبار اللى قدر ياخد قرار بالمنظر ده

عارف اسمها ايه ؟؟؟ اسمها نداله … اسف .. بس ملهاش اسم تانى

انا …… مش .. مش عارف اقول ايه … انا و الله مش بزايد ولا اقصدى اشتم و لا اجرح فى حد …. بس انا فعلا مش قادر استوعب … قولولى … انا ببالغ و لا حمار و لا انا اللى مش طبيعى ؟

.
مره اخرى … اسف لكوني رجلاً

Advertisements

About MeMo

I'm a 22 Egyptian male who has just fed up with every thing around him and seeking change

8 responses to “قرف 1 : آسف لكوني رجلاً

  1. fantasia

    لا تأسف لكونك رجلا, فالذي فعله هؤلاء المجرمين ومن بعدهم من أتم عملهم بمعزوفة التخاذل والتبرير لا يمت للرجولة بصلة, بل ولا يمت للإنسانية كلها بأي صلة. وأكاد أجزم أن الحيوانات نفسها تمتلك شيم أفضل

    أي انسان طبيعي سيشعر بالضيق والغضب الذي تشعر به. لقد أصابني الاكتئاب لثلاثة أيام من جراء هذه القصة المؤسفة التي تدق ناقوس الخطر من حولنا علنا نستيقظ من الغفلة و نرى المأساة الأخلاقية التي نعيشها وإلى أي مدى تفاقمت

    فلنصرخ ونتألم ونتحسر , علنا نوقظ الإحساس

    خالص تحياتي

  2. Summer

    I am so sorry that things like this are happening in our world without a humane response…are we living in the jungle? people must be without hearts to allow such thing to happen.
    I am sure if YOU were around YOU would have lent a helping hand in rescuing the lady in distress. You are a man enough to write about it and criticize it.

  3. Marika ⋅

    Fantasia,

    You are right. I love animals and know a lot about them. I assure you that the animal kingdom, no male can ever touch a female without her permission. So we can’t say that this (zebala) is an animal, if we do we will be insulting the animals.

  4. Xero

    Fantasia , Summer, Marika: i just can’t say any more about it .

    Summer: this is not about me .

  5. Jade

    Xero…

    Thank you

  6. Xero

    you r welcome Jade , but for what !?

  7. SOMEONE

    اخي مقصدك من الموضوع باين
    وبعدين مو حرام انه يساعدها في هذي الحاله
    فيه قاعدة شرعية عند المسلمين هي الضرورات تبيح المحضورات

  8. Jade

    Thank you for saying it right…

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s